ԱՄՆ-ի Կալիֆոռնիա նահանգի Կուպերտինո քաղաքում գտնվող Սթիվ Ջոբսի անվան թատրոնի դահլիճում մեկնարկած Apple-ի շնորհանդեսի ժամանակ ընկերության գլխավոր տնօրեն Թիմ Կուկը ներկայացրել է ընկերության նորույթները:
Առաջին հերթին Կուկը ներկայացրել է Apple Watch Series 4 ժամացույցը: Միջոցառման ուղիղ հեռարձակման համապատասխան հատվածը թվիթերյան իր էջում հրապարակել է տեխնոլոգիաների փորձագետ Լանս Ուլանոֆը:
Կուկը նշել է, որ Apple Watch-ն «աշխարհի ամենատարածված ժամացույցն է» ու հավելել, որ այն ավելի բարակ է դարձել, իսկ էկրանը՝ ավելի մեծ:
Բացի այդ, Series 4-ում փոփոխությունների է ենթարկվել խոսափողն ու լսափողը, և ժամացույցն ավելի լավ է պահում բջջային կապի ազդանշանը:
Apple Watch-ը հետևում է օգտատիրոջ առողջությանն ու արձագանքում, երբ նա սայթաքում կամ ընկնում է: Եթե օգտատերը չի արձագանքում համապատասխան ծանուցմանը, սարքը հաղորդագրություն է ուղարկում կամ զանգահարում փրկարար ծառայություն:
Ժամացույցը նաև արձանագրում է հիվանդությունների առաջին ախտանշաններն ու նույնիսկ էլեկտրոկարդիոգրամմաներ պատրաստում: Բոլոր տվյալները գրանցվում են «Առողջություն» հավելվածում:
Սարքի մարտկոցը պահում է լիցքավորումը 18 ժամ: Նորույթի վաճառքը կմեկնարկի սեպտեմբերի 21-ից:
22:48
Շնորհանդեսն ավարտվել է:
22:44
IOS 12-ը կթողարկվի սեպտեմբերի 17-ին:
22:43
256 և 512 ԳԲ հիշողությամբ սմարթֆոններն ավելի թանկ կլինեն:
22:42
iPhone Xs-ը կարժենա 1000 դոլար, իսկ iPhone Хs Max-ը՝ 1099 դոլար: iPhone Xr-ի արժեքը կսկսվի 749 դոլարից: Սակայն հաշվի առեք, որ սա 64 ԳԲ հիշողությամբ սմարթֆոնների գներն են:
22:34
iPhone ХR-ի պրոցեսորը նույնն է, ինչ iPhone Хs-ի պրոցեսորը՝ А12.
22:28
Եվս մի նորույթ՝ iPhone ХR (կարդացվում է iPhone Ten R). Համալրված է 6.1 դյույմանոց LCD էկրանով, ալյումինե կորպուսով, վառ գույներով:
22:26
Apple-ը պայքարում է շրջակա միջավայրի պահպանության համար, ահա թե ինչու նոր սմարթֆոնի լսափողները 40 տոկոսով կազմված են վերամշակված պլաստիկից:
22:19
Նոր iPhone Хs-ում երկում SIM քարտ տեղադրելու հնարավորություն կլինի: Սակայն ամեն ինչ մի քիչ բարդ է. 2 SIM քարտ կլինի միայն չինական iPhone-ներում: Մյուս բոլոր տարբերակներում երկրորդ SIM քարտը վիրտուալ կլինի (eSIM), սակայն այս գործառույթի հնարավորություն են տալիս ոչ բոլոր օպերատորները:
22:17
iPhone Хs-ն աշխատում է 30 րոպեով ավելի երկար, քան iPhone Х-ը, իսկ iPhone Хs Max-ը՝ մեկուկես ժամով ավելի երկար:
22:08
Ներկայացվել է iPhone Х-ի տեսախցիկը, որով նկարահանել են Time ամսագրի շապիկի լուսանկարը:
22:17
iPhone Хs-ն աշխատում է 30 րոպեով ավելի երկար, քան iPhone Х-ը, իսկ iPhone Хs Max-ը՝ մեկուկես ժամով ավելի երկար:
22:08
Ներկայացվել է iPhone Х-ի տեսախցիկը, որով նկարահանել են Time ամսագրի շապիկի լուսանկարը:
21:41
Կուկը ներկայացրել է iPhone Xs-ը և նշել, որ սմարթֆոնի անվանումը կարդացվում է «iPhone Ten S». Նրա խոսքով՝ սա ընկերության պատրաստած ամենաառաջատար iPhone-ն է: Այն հասանելի է երեք գույնով՝ ոսկեգույն, արծաթագույն և Space gray.
Հիշեցնենք, որ ԱՄՆ-ում մեկնարկել է Apple-ի նորույթների շնորհանդեսը:
These new faces give you a good idea of the size and shape of the Apple Watch Series 4 screens. #AppleEvent pic.twitter.com/RBEr14ZEpN
— Lance Ulanoff (@LanceUlanoff) September 12, 2018
