Լատինական Ամերիկայի բնակչության մոտ 30 տոկոսը, ինչպես նախկինում, ապրում է աղքատության մեջ՝ ասվում է Լատինական Ամերիկայի և Կարիբյան ավազանի հարցերով ՄԱԿ-ի տնտեսական հանձնաժողովի հաղորդագրության մեջ:
Ինչպես փոխանցում է RIA Novosti-ն, խոսքը 164 մլն մարդու մասին է, որից 68 միլիոնն ապրում է չքավորության պայմաններում: Հանձնաժողովի մասնագետները վերջին տասնամյակում ընդհանուր առմամբ լատինաամերիկյան պետություններում աղքատների թվի նվազեցման դրական դինամիկա են նկատում:
«2002 թվականին աղքատությունը Լատինական Ամերիկայում նվազել է 15.7 տոկոսով, իսկ չքավորությունը՝ 8 տոկոսով»,- ասվում է հաղորդագրության մեջ: 2012-ի համեմատ աղքատների թիվը գրեթե չի փոխվել, սակայն չքավորների թիվը 66 միլիոնից ավելացել է՝ հասնելով 68 միլիոնի:
Նշվում է, որ մեկ տարում Վենեսուելային է հաջողվել հասնել առավել մեծ առաջընթացի՝ աղքատության դեմ պայքարում: Երկիրը ցուցանիշը նվազեցրել է 5.6 տոկոսով: Ներկայոյմ աղքատ է համարվում բնակչության 23.9 տոկոսը: