ԱԺ նախագահ Հովիկ Աբրահամյանը նոյեմբերի 3-ի նիստում ընդդիմադիր պատգամավորներին կոռեկտության կոչ արեց, իսկ ԱԺ սոցիալական հարցերի հանձնաժողովի նախագահ Հակոբ Հակոբյանը, ՀՀԿ խմբակցության անունից ելույթ ունենալով, խոսքն ուղղեց ընդդիմադիրներին և նկատեց, որ շատ էին ոգևորվել՝ բոլորով ստորագրել են մի թղթի տակ:
«Կամ մենք ե՞րբ ենք սուտ ասել»,- հետաքրքրքվեց նա: Պատգամավորը հիշեցրեց, որ նախօրեին ԲՀԿ խմբակցության քարտուղար Նաիրա Զոհրաբյանն առաջարկում էր համակարգը ներդնելուց առաջ հարցնել քաղաքացիներին՝ ուզո՞ւմ են բարձր կենսաթոշակ, թե՞ ոչ, ապա համոզմունք հայտնեց, որ կունենան միանշանակ պատասխան՝ այո:
«Մեր գործող կենսաթոշակային համակարգը վատն է, չի համապատասխանում հասարակությունում ձևավորված իրական հարաբերություններին, սոցիալական խնդիրների իրական վերաբաշխմանը, այդ պատճառով էլ ցանկանում ենք ռեֆորմ իրականացնել: Մենք կարող ենք հստակ բարեփոխումներ անել, ռեֆորմներ չանելը մեզ նման երկրների համար հանցագործություն է»,- ասաց նա:
Հակոբյանը համոզմունք հայտնեց՝ ընդդիմության աշխատանքն է՝ քննադատել կառավարությանը, ավելին՝ պատգամավորը նշեց, որ հասկանում է ընդդիմությանը, սակայն միաժամանակ վստահ է՝ իրենք ինչ էլ անեն, պետք է իրենց ու կառավարությանը մեղադրեին: «Չանեինք՝ կմեղադրեիք, որ չենք անում, ասում եք՝ չեք անում: Սա պառլամենտ է: Ուրախ եմ, որ այստեղ սկսել ենք շատ խոսել»,- ասաց նա Մենք ե՞րբ ենք սուտ ասել. Հակոբ Հակոբյան:
