Հնդկաստանի Բիհար նահանգի գլխավոր նախարար Նտիխ Կումարը նախազգուշացրել է, որ տանը զուգարան չունեցող անձանց թույլ չեն տա մասնակցել տեղի ինքնակառավարման մարմինների ընտրություններին՝ հաղորդում է The Times of India-ն:
Կումարը հայտարարությունն արել է Զուգարանի համաշխարհային օրվա շրջանակներում. այդ օրն առաջին անգամ նշվել է այն բանից հետո, երբ 2013թ. հուլիսին այն հաստատել է ՄԱԿ Գլխավոր ասամբլեան: Կումարի խոսքերով՝ նահանգում ավելի քան 20 միլիոն տուն չունի զուգարան, իսկ սանիտարա-տեխնիկական շինարարության պետական ծրագիրը ներգրավել է շուրջ 11 միլիոն տնային տնտեսություն:
Այս կապակցությամբ նախարարը նահանգի ունևոր բնակիչներին և առաջին հերթին տեղի պատգամավորներին կոչ է արել իրենց տներում զուգարան տեղադրել իրենց հաշվին՝ չսպասելով պետական օգնությանը:
Նա նաև բնակիչներին կոչ է արել գումար նվիրաբերել ոչ թե տաճարների, այլ զուգարանների կառուցման համար:
