Ֆրանսիայի իրավապահ մարմինները ձերբակալել են անօթևան թափառականի, ով ինկասացիոն ընկերության գրասենյակից դուրս էր բերել 500 հազար եվրոյով պարկ։ Բավականին արտասովոր գողությունը տեղի է ունեցել 2.5 ամիս առաջ՝ Փարիզի Ռուասի-Շարլ-դե-Գոլ օդանավակայանում։ Ընկությունը բաց էր թողել գրասենյակի դռները, ինչից էլ օգտվել է գողը։
Այս շաբաթ տղամարդուն հայտնաբերել էին փաստաթղթերի սովորական ստուգման ժամանակ։ Ինչպես պարզվել է՝ նա գտնվում է մայրաքաղաքի Լա-Կուրնյով արվարձանի ապաստարանում, հայտնում է The Local-ը։
Գողը խոստովանել է մեղքը՝ հավելելով, որ ինքն այլևս գումար չունի։ Ինչ-որ մասը նա ծախսել է, ինչ-որ մասը՝ բաժանել ընկերներին։ Նա նաև վստահեցնում է, որ մնացած գումարը գողացել են։
Ոստիկանությունը նշում է, որ այժմ արդեն անհնար է այդ միջոցները գտնելը։ Ընկերության ղեկավարությանը մնում է գոհանալ այն բանով, որ թափառականին ձերբակալել են։
