Ազգային ժողովում այսօր՝ փետրվարի 23-ին, «Ելք» խմբակցությունը հրավիրվել է խորհրդարանական լսումներ 2008-ի Մարտի 1-2-ի իրադարձությունների վերաբերյալ:
«Ելք» խմբակցության պատգամավոր Արամ Սարգսյանը ևս ներողություն խնդրեց Մարտի 1-ի զոհերի հարազատներին: նա հիշեցրեց գործող նախագահի խոսքը, թե՝ քանդել է պետք անվստահության պատը. «Փաստորեն դատախազությունը կամ չի կատարում գործող նախագահի հրահանգը, կամ նախագահն ասել է՝ դա ես ասել եմ ասելու համար, դուք արեք էնպես, ինչպես քեֆներդ տալիս է: Անվստահության քանդը էսպես չեն քանդում»:
Նրա խոսքով՝ իրեն մի քանի անգամ հարցաքննելուց հետո մոտեցել է ՀՔԾ պետը, որը փոխանցել է. «Ձեզ չենք ձերբակալում, որովհետև դուք Վազգեն Սարգսյանի եղբայրն եք: Էդ հոդվածներով իմ ընկերներին կալանավորեցին: Ու էս իշխանության, ՀՔԾ-ի գործելակերպը հենց դրանում է. դրա համար էլ երկիրը լքում են, դրա համար արտագաղթ կա»:
Արամ Սարգսյանը նշեց, որ ինքը համապատասխան պատասխան տվել է նման հորդոր անողին. «Բայց խնդիրը դրանով չլուծվեց, չէ՞, ժողովուրդ ջան: Ուզո՞ւմ ենք այդ անհասկացվածության պատը քանդել, թե՞ ամեն մեկս մեր դիրքերում խրամատավորվում ենք»:
Նրա խոսքով՝ իր համար հարցերի հարցն այն է, թե ամսի 1-ի գիշերը ո՞վ է հրահանգ տվել ցուցարարներին ցրելու, որովհետև ցուցարարների թիվը արդեն պակասում էր. «Ինչի՞ դա արվեց»:
«Ժամանակն է Մարտի 1-ի զոհերի գործունեությունը հերոսացնելու, հակառակ դեպքում մեր ժողովուրդը հերոսացնում է նրանց, ովքեր զենքով են փորձում դա անել: Սա պիտի ականջներիս օղ անենք»,- եզրափակեց Արամ Սարգսյանը:
Մանրամասները՝ տեսանյութում:
