Samsung-ը հայտարարել է մարդանման Saram ռոբոտի մշակման ավարտի մասին։ Նախատեսվում է այն օգտագործել ձեռնարկություններում՝ ծանր բեռներ բարձրացնելու համար։ Այս մասին հայտնում է Business Korea-ն։
Saram-ը կորեերենից թարգմանաբար նշանակում է «մարդ»։ Մարդանման ռոբոտը հանդերձված է արհեստական ինտելեկտով։
Samsung-ը զբաղվում է սեփական գործարանների համար արդյունաբերական ռոբոտների արտադրությամբ։ Ընկերությունը ծրագրում է ապագայում ընդլայնել Saram-ի գործառույթները՝ վիրաբուժության մեջ կամ տնային պայմաններում օգտագործման համար։ Ընկերությունը գրանցել է Saram ապրանքանիշը, սակայն ներկայացուցիչները հաստատում են, որ դեռևս վաղ է խոսել դրա առևտրայնացումից։
Samsung-ն ընտրել է ռոբոտները որպես երկարաժամկետ հետազոտական ուղղություն։
