49-ամյա Ջենիֆեր Էնիսթոնին և 46-ամյա Ջասթին Տերուին երկամյա ամուսնական կյանքի ողջ ընթացքում ԶԼՄ–ների էջերում հետապնդել է դերասանուհու նախկին ամուսնու՝ 54-ամյա Բրեդ Փիթի ստվերը։ Այն այժմ էլ չի անհետացել, երբ Էնիսթոնն ու Տերուն հայտարարել են բաժանվելու մտադրության մասին։ Լրագրողները տարբեր ենթադրություններ են անում այս կապակցությամբ, պնդելով, որ այս զույգի մոտ խնդիրները վաղուց են սկսվել։
Նրանց մոտ կանգնած աղբյուրը նոր տեղեկություններով է կիսվել մամուլի հետ, ըստ որոնց, երկու տարի առաջ Տերուն հայտնաբերել է, որ Էնիսթոնը նախկին ամուսնու երկտողերն են պահում։ Ջասթինը գտել է Բրեդի երկտողերը. «Դու այսօր շատ գեղեցիկ էիր» կամ «Արդեն կարոտել եմ քեզ»։ Ջենը հավաստիացրել է, որ այդ երկտողերը իր համար նշանակություն չունեն, բայց Ջասթինը հիացած չի եղել այդ ամենից։
Հիշեցնենք, որ Էնիսթոնն ու Փիթը ամուսնացած են եղել հինգ տարի։ Նախքան պաշտոնապես ամուսնալուծվելը, Բրեդը սկսել է հանդիպել «Միստր և միսիս Սմիթ» ֆիլմում իր գործընկերոջ՝ Անջելինա Ջոլիի հետ։
