ԱՄՆ բնակիչները ոստիկանությանն են հանձնում իրենց զենքը կամ ոչնչացնում այն Ֆլորիդայի դպրոցում տեղի ունեցած հրաձգությունից հետո, որի զոհն է դարձել 17 մարդ։
Ինչպես հայտնում է KTVB հեռուստաալիքը, Այդահո նահանգի Բոյսե քաղաքի բնակիչը ոստիկանությանն է հանձնել 3 հրացան՝ նշելով, որ դրանց կարիքը չունի։ Նա ցանկություն է հայտնել, որ մյուսները հետևեն իր օրինակին։
KMOV հեռուստաալիքի հաղորդմամբ՝ Ֆլորիդայի բնակիչը ոստիկանություն է բերել իր AR-57 կարաբինը՝ նշելով, որ իրավապահներից բացի, ոչ ոք դրա կարիքը չունի։
Բացի այդ, ԶԼՄ-ները հրապարակել են տեսանյութ, որում Նյու Յորքի բնակիչը սղոցով մասնատում է իր AR-15 հրացանը։ «Երբ դա տեղի ունեցավ, կնոջս ասացի, որ ուրախությամբ այդ զենքը կտայի, եթե այն մեկ երեխայի կյանք փրկեր»,-ասել է տղամարդը։ Նա հստակեցրել է, որ որոշել է այն ոչնչացնել, այլ ոչ թե վաճառել, որպեսզի վստահ լինի, որ այն չի հայտնվի վատ մարդկանց ձեռքերում։
ԶԼՄ-ները նշում են, որ այսպիսով գնալով ավելի ու ավել շատ մարդիկ են հանդես գալիս հաջակցություն զենքի կրման արգելքի։
