Ամերիկյան միլիարդատեր Ջորջ Սորոսը ավելի քան 400 հազար ֆունտ ստերլինգ է ներդրել Մեծ Բրիտանիան Եվրամիության կազմում պահպանելու համար: Այս մասին հաղորդում է The Guardian պարբերականը:
Ըստ թերթի տվյալների, Best for Britain կազմակերպությունը, որն ուզում է կանխել Brexit-ը, վեցանիշ գումար է ստացել 2017 թվականի խորհրդարանական ընտրություններից ի վեր: Best for Britain կազմակերպության ղեկավարներից մեկի խոսքերով՝ Սորոսը կազմակերպության կարևոր դոնորներից է, բայց կան նաև ֆինանսավորման այլ աղբյուրներ: Best for Britain-ի տեղեկությունների համաձայն, ավելի քան 413 հազար ֆունտ ստերլինգ է հավաքվել մանր նվիրատվություններով: 2016 թվականին, բրիտանական հանրաքվեից առաջ, Սորոսը զգուշացրել է, որ Brexit-ի դեպքում բրիտանական տարադրամի կուրսը կարող է ընկնել 20%-ով: Արդյունքում, հունիսի 24-ի առավոտյան, կուրսը ընկավ մինչև 1985 թվականին եղած նվազագույնի չափով:Ընդ որում, գործարարն ինքը նրանցից մեկն էր, որ եկամուտ էր ստանում իր ներդրումներից:
