Արդեն մի քանի օր է՝ տեղեկություններ են տարածվում այն մասին, թե հոլանդուհի մի կին իր թևին դաջել է facebook սոցիալական ցանցում իր բոլոր 152 ընկերների նկարները: Սակայն այս ամենն իրականությանը չի համապատասխանել և եղել է գովազդային հնարք: Այս մասին հաղորդում է հոլանդական Telegraaf-ը՝ մեջբերելով դաջման մասնագետ Քսավյեր Մելքերի խոսքերը:
Մելքերն ասել է, որ իրականում դա ժամանակավոր դաջվածք է եղել: Այն որոշ ժամանակ անց կլվացվի հոլանդացի մանեկենուհու ձեռքի վրայից: Նշվում է նաև, որ այդ դաջվածքի վրա մասնագետն աշխատել է ոչ թե 30 ժամ, այլ 8: Պարզվել է նաև, որ գովազդը պատվիրել է Pretty Social ընկերությունը, որը հուշանվերներ և նվերներ է պատրաստում՝ օգտագործելով Facebook սոցցանցի օգտատերերի անձնական նկարները: