Apple, Microsoft, Sony, Ericsson ու Blackberry ընկերությունները, որոնք մտնում են Rockstar Consortium-ի մեջ, Google-ի դեմ ներկայացրել են պատենտային հայց: Հայց է ներկայացվել նաև Google-ի Android գործառնական համակարգով աշխատող արտադրողների՝ Samsung Electronics-ի, Huawei-ի, HTC-ի, LG-ի, Asustek-ի և ZTE-ի դեմ:
Reuters գործակալության տվյալով՝ հայցը ներկայացվել է Տեխասի Շրջանային դատարան:
Google-ն ու նրա գործընկերները մեղադրվում են 7 պատենտների խախտման մեջ, որոնք պատկանում են Rockstar Consortium-ին: Rockstar Consortium-ի անդամները կարծում են, որ Google-ը միտումնավոր է խախտել պատենտները:
Samsung-ի ու էլեկտրոնիկայի մյուս արտադրողների դեմ հայցերը վերաբերում են ОС Android-ի գրաֆիկական ինտերֆեյսին:
Մրցակիցները գրոհում են Google-ի հիմնական բիզնեսը այն ժամանակ, երբ ընկերությունը բջջային սարքերի շուկայում նվաճում է առավել մեծ մասնաբաժին: