Վրաստանի վարչապետ Գեորգի Կվիրիկաշվիլին կայցելի Բաքու, որտեղ հոկտեմբերի 30-ին կմասնակցի Բաքու-Թբիլիսի-Կարս երկաթուղու բացման պաշտոնական արարողությանը։ Այս մասին հայտնում է newsgeorgia-ն՝ հղում անելով կառավարության վարչակազմին։
Վրաստանի կառավարության ղեկավարը Բաքու կուղևորվի Ադրբեջանի նախագահ Իլհամ Ալիևի հրավերով։ Արարողությանը կմասնակցի նաև Թուրքիայի նախագահ Ռեջեփ Թայիփ Էրդողանը։
Կառավարության քարտուղարությունը դեռևս տեղեկություն չունի Կվիրիկաշվիլիի այցի մանրամասների վերաբերյալ։