«Հայկական ժամանակ» օրաթերթն այսօրվա համարում գրում է, որ շաբաթ օրը ՀՀ կառավարությունն իր արտահերթ նիստում քննարկել է 2014թվականի պետբյուջեի նախագիծը, ըստ որի, նախատեսված է բյուջետային աշխատողների աշխատավարձները 40 տոկոսով բարձրացնել 2014 թվականի հուլիսի 1-ից:
«Սա չափազանց ուշագրավ է դառնում Սերժ Սարգսյանի բոլորովին վերջերս արած մի հայտարարության ֆոնին: Ընդամենը մեկ ամիս առաջ՝ օգոստոսի 28-ին ՀՀ ԿԳ նախարարության ղեկավար կազմի հետ հանդիպման ժամանակ Սերժ Սարգսյանը հայտարարել Էր բառացիորեն հետևյալը.
«Վստահորեն կարող եմ ասել, որ 2014թ. հունվարի 1-ից, օրինակ, նախարարության գլխավոր մասնագետն ստանալու է 200-280 հազար դրամ աշխատավարձ, բաժնի պետը, եթե չեմ սխալվում, 280-350 հազար դրամ աշխատավարձ կախված աշխատանքային ստաժից,..»:
Եթե Ս.Սարգսյանի ասածները իրականանային, ապա նրա նշած պաշտոնյաների աշխատավարձը պետք է բարձրանար առնվազն կրկնակի, այսինքն՝ 100 տոկոսով, ընդ որում՝ հունվարի 1-ից:
Հոդվածն ամբողջությամբ՝ կարդացեք «Հայկական ժամանակ» օրաթերթի այսօրվա համարում:
