«Բա որ 1000 անգամ ասում էինք, թե երկրում զանգվածաբար ընտրակաշառք է բաժանվել, բա չե՞ք լսել էդ մասին»,- 2016թ. Կենտրոնական ընտրական հանձնաժողովի գործունեության հաղորդման վերաբերյալ քննարկմանը հայտարարեց «Ելք» խմբակցության պատգամավոր Էդմոն Մարուքյանը՝ ի պատասխան Էդուարդ Շարմազանովի հայտարարության, թե «Ելք» և «Ծառուկյան» դաշինքները չեն ասել, որ ընտրությունների ընթացքում խախտումներ են եղել:
Պատգամավորի խոսքով՝ միջազգային դիտորդական բոլոր առաքելությունները կարմիր թելով անցկացրել և նշել են, որ եղել են ընտրակաշառքների բաժանման հավաստի տեղեկություններ, և դրանց վերաբերյալ քննություն է պետք իրականացնել:
«Հարուցված գործի շրջանակներում մոտ 200 մարդ պետք է հարցաքննվի: Մենք աղբանոցից բան չենք բերել, այլ շտաբից, որը նախապատմություն ունի: Կոնկրետ անուններ կան, մարդիկ կան, պատասխանատուներ կան, ոստիկանության ֆաքս կա. պարզեք, ճշտեք, գտեք, դատի տվեք էդ մարդկանց»,- հայտարարեց Էդմոն Մարուքյանը:
Մանրամասները՝ տեսանյութում: