«Հայկական ժամանակ» թերթը գրում է. «Ազգային ժողովի Հանրապետական խմբակցության պատգամավոր Ավետ Սարգսյանը, որը Սիսիանի քաղաքապետի եղբայրն է, բարձրաստիճան պաշտոնատար անձանց էթիկայի հանձնաժողով է ներկայացրել իր եկամուտների և ունեցվածքի հայտարարագիրը:
Պարզվում է, որ նորընտիր պատգամավորը պատկառելի ունեցվածքի տեր է: 2004 թվականից մինչև 2017 թվականը «Հիդրո» ՍՊԸ-ն ղեկավարած Ավետ Սարգսյանը հայտարարագրել է 3 հատ առանձնատուն, 3 հատ հասարակական նշանակության շինություն, 4 հատ էլ հողամաս: Որպես շարժական գույք նա իր հայտարարագրում նշել է, որ ունի 3 հատ մարդատար ավտոմեքենա (LEXUS GX, TOYOTA FORTUNER և GAZ 24) և 2 հատ բեռնատար (Kamaz և UAZ): Բացի վերը նշված շարժական և անշարժ գույքից, Ավետ Սարգսյանը հայտարարագրում նշել է, որ ունի նաև մեկ՝ 8 միլիոն դրամը գերազանցող բնակելի տուն:
ՀՀԿ-ական պատգամավորը հայտարարագրել է 1.1 մլն դրամ և 2 հազար 600 դոլար: Որպես եկամտի աղբյուր նա նշել է աշխատավարձը, որը պաշտոնը ստանձնելու պահին կազմել է մոտ կես միլիոն դրամ»:
Մանրամասները՝ թերթի այսօրվա համարում:
