Պետական պաշտոններ զբաղեցրած անձանց սոցիալական երաշխիքներ տալու ու Քննչական կոմիտեի աշխատակիցների կենսաթոշակի անցնելու վերաբերյալ հարցերի շուրջ «Ծառուկյան» խմբակցության դիրքորոշումը մնում է անփոփոխ, Ազգային ժողվում հայտարարեց խմբակցության պատգամավոր Նաիրա Զոհրաբյանը:
Նրա խոսքով՝ դատական համակարգում կոռուպցիան չի պակասել, դա փաստ է. «Ուստի «Ծառուկյան» դաշինքն այս նախաձեռնությանը դեմ է քվեարկելու, ավելին, մենք առաջիկայում առաջարկելու ենք մեր գործընկերներին վերանայել այդ ոլորտի թոշակառուներին նման թոշակ ու բարձր աշխատավարձ նշանակելու խնդիրը»։
Զոհրաբյանը նշեց, որ անհասկանալի է, թե ինչու պիտի կրթական, գիտական համակարգի շատ հարգարժան ներկայացուցիչներ ստանան տարիքային թոշակ, օրինակ, 100 հազար դրամ, իսկ որևէ դատավոր կամ քննիչ ստանա 600, 800 հազար դրամ կենսաթոշակ։
«Այն դեպքում, երբ հակառակ արդյունավետությունն է այդ ոլորտում. կոռուպցիայի ոչ միայն նվազում չկա, այլ կա խայտառակ վիճակ», -ասաց Ն. Զոհրաբյանը։
Մանրամասները՝ տեսանյութում: