Դատարանը հերթական անգամ այսօր՝ ապրիլի 25-ին մերժեց «Հիմնադիր խորհրդարանի» անդամ, «Սասնա ծռեր»-ին աջակցելու մեջ մեղադրվող Կարող Եղնուկյանին ազատ արձակելու միջնորդությունը: Դատական նիստին միջադեպ արձանագրվեց:
«Արդեն պարզ է, որ Հայաստանի դատարանները միշտ տրամադրված են քննիչի և դատախազի անօրինական գործողություններն ու պահանջները բավարարելու. դատարանները դարձել են «չափով ստանոկներ», ներառյալ նաև դուք,- այս մասին այսօր, դատական նիստի ընթացքում դիմելով դատավորին, հայտարարեց Կարող Եղնուկյանը:
Դատավորն արձագանքեց. «Մեր գնահատմամբ՝ դուք տեսանկարահանող սարքի համար եք ելույթ ունենում»:
Եղնուկյանը պատասխանեց. «Տարբերություն չկա, ես մեկ է, իմ ասելիքը պետք է ասեմ: Եթե վախենում եք, անջատեք տեսախցիկը, հրահանգեք, թող անջատեն»:
Դատավորը հրահանգեց անջատել նկարահանող տեսախցիկները:
Կարո Եղնուկյանը շարունակեց. «… Ես եկել եմ դատարան իմ ասելիքն ասելու, եկել եմ դատարան, ակնկալիքով, որ արդարություն կլինի, բայց երբ որ տեսնում եմ նախապայմանավորված մթնոլորտ, ձեր անտարբեր լսելու ձևը, և արդեն սկզբից իմանալով՝ ինչ հարց պիտի տաք, որ տակից դուրս գաք, արդեն ամեն ինչ պարզ է՝ ինչ վճիռ եք կայացնելու»,- նշեց Եղնուկյանը՝ ընդգծելով, որ այլևս արդարադատությանը չի հավատում:
Մանրամասները՝ տեսանյութում:
