Ռուսաստանը կենտրոնական խաղացող է Արցախի հարցի կարգավորման գործընթացում։ Այս մասին, այսօր «Մեդիա կենտրոն»-ում տեսակամուրջի ժամանակ հայտարարել է բրիտանացի լրագրող, Կարնեգի հիմնադրամի գիտաշխատող Թոմաս դե Վաալը։
«Երկու կողմերն էլ հայտարարում են, որ հենց Ռուսաստանն է եւ սադրում, եւ հաշտեցնում արցախյան հակամարտության կողմերին։ Սակայն նաեւ ակնհայտ է, որ միայն Ռուսաստանը չպետք է հաշտեցնողի դերում լինի, քանի որ ԵԱՀԿ Մինսկի խմբի ձեւաչափը կարեւոր է նաեւ Ֆրանսիայի եւ ԱՄՆ-ի համար։ Հիասթափեցնում է այն փաստը, որ հակամարտության կարգավորման գործընթացում Ֆրանսիան իրեն ավելի թույլ դիրքերում է պահում, իսկ ԱՄՆ-ը՝ ելնելով տվյալ հարցի շուրջ քաղաքական կամքից, թուլացրել է իր դիրքերը»,- նշել է փորձագետը։
Թոմաս դե Վաալը նկատեց, որ շատ լուրջ դիվանագետներ փորձել են օգնել բանակցությունների գործընթացին, սակայն չկարողացան ի վերջո կողմերին ստիպել, որ խաղաղության համաձայնագիրը կնքվի: Նա նշեց, որ հիմա բացակայում է միջազգային հանրության միտվածությունը գործընթացն առաջ տանելու համար:
