Շվեյցարիա – Հայաստան խորհրդարանական խմբի գլխավոր քարտուղար, սփյուռքահայ Սարգիս Շահինյանը առաջիկա խորհրդարանական ընտրություններին պատրաստվում է դիտորդական առաքելություն իրականացնել: «Առաջին լրատվական»- ի հետ զրույցում նա նշեց, որ դա իր անձնական որոշումն է, իբրև հայ իր պարտքն է համարում նոր փուլում մասնակցել քաղաքացիական ընթացքին:
«Բացի դրանից՝ մեր ինստիտուտը ունի երեք տարբեր ծրագրեր, որոնք առաջին հերթին ուղղված են քաղաքացիական իրազեկմանը:
Խնդիրը հայ ժողովրդի տեղեկացվածությունն է, թե որոնք են առկա բուն խնդիրները, ինչ լուծումներ են առաջարկում թեկնածուները, և դաշինքներն ու քաղաքական ուժերն ինչ ծրագրեր ունեն: Մենք այդ մասին չենք լսում: Պետք է ժողովուրդը այդ մասին լսի, որպեսզի կարողանա կողմնորոշվել և կարողանա հեռանալ ֆատալիզմից, թե ամեն ինչ արդեն սարքված է, որոշված է, թե մեկ ամիս առաջ մարդկանց տուն են գնացել, 5-10-15 հազար դրամ տվել են, որ ձայնը գնեն, վախեցնեն և այլն: Քաղաքացին կարող է որոշել, որ չի գնալու կաշառք վերցնելուն, որ առաջին հերթին պատասխան պիտի տա իր անձին, իր խղճին և իր ազգին»,- նշեց Ս. Շահինյանը:
Նրա խոսքով՝ սփյուռքահայերի մասնակցությունը միայն ընտրությունների հետ չի կապված. «Այս գործունեությունը ո՛չ պետք է սկսվի, ո՛չ էլ պիտի ավարտվի ապրիլի 2-ին, սա պիտի յուրաքանչյուրիս հնարավորություն տա ծանոթանալու լավ և թերի կողմերի հետ: Արդեն 2700 հոգի դիտորդներ են ներգրավվել «Քաղաքացի դիտորդ» նախաձեռնության մեջ: Ես չեմ հավատում, որ արդյունքներն արդեն որոշված են, ապրիլի 2-ին կարող են արդյունքները լրիվ ուրիշ լինել, քան կարող ենք երևակայել»:
Մանրամասները՝ տեսանյութում:
