Քաղաքացիական հասարակության ակտիվիստ Ռուզաննա Գրիգորյանի խոսքով՝ հուլիսի 20-ից սկսած՝ «Վճարում ենք 100 դրամ» նախաձեռնության անդամ-ակտիվիստների նկատմամբ ոստիկանությունը, ազգային անվտանգության ծառայողները իրականացնում են հետապնդումներ՝ այցելելով նրանց տներ, աշխատավայրեր, սպառնալիքներ հնչեցնելով նրանց և նրանց հարազատների հասցեին: Նա այս մասին այսօր ասաց ՀՀ ոստիկանության գործողությունների դեմ իրականացվող ակցիայի ժամանակ:
Նրա խոսքով՝ քաղաքապետարանի դիմաց նստացույցի մասնակիցներին այցելել են անհայտ մարդիկ և սպառնացել. «Օգոստոսի 18-ին կոտրվել է ակցիայի մասնակիցներից մեկի մեքենայի դիմապակին, արդեն շուրջ երեք օր է՝ նրանց նկատմամբ փողոցում իրականացվում են հետապնդումներ, կողոպտում և սպառնում են»:
Եվ եթե այս ամենը չեն կանխում և պատժում ոստիկանները, ապա ակտիվիստի խոսքով՝ սրանք կատարվում են ոստիկանության թույլտվությամբ կամ առնվազն թողտվությամբ. «Հարց է առաջանում՝ դուք՝ Վովա Գասպարյան, որպես ոստիկանապետ՝ ի վիճակի՞ եք ապահովել ՀՀ քաղաքացիների անվտանգությունը, դուք ի վիճակի՞ եք հայտնաբերել և պատժել այն հանցագործներին, ովքեր ոտնձգություններ են կատարում խաղաղ ակցիայի մասնակիցների նկատմամբ, ի վիճակի՞ եք պատժել սեռական ոտնձգություն իրականացնող ոստիկաններին»:
Մանրամասները դիտեք տեսանյութում:
