«Դիանա. սիրո պատմություն» ֆիլմի էկրան բարձրանալուն, որում գլխավոր դերը ստանձնել է Նաոմի Ուոթսը, մնացել է մեկ ամսից քիչ ժամանակ:
Պրեմիերայի նախաշեմին դերասանուհին արդեն պատմել է իր անհանգստությունների մասին` կապված այս աշխատանքի հետ, հաղորդում է The Guardian-ը: Նա խոստովանել է, որ համաձայնել է խաղալ դերը միայն այն բանից հետո, երբ զգացել է արքայադուստր Դիանայի օրհնությունը:
Նա նշել է, որ ամենաշատը վախենում է արքայազն Ուիլյամի արձագանքից:
«Դա բավականին սարսափելի պահ էր, երբ ինձ հայտնի դարձավ նկարահանումների մասին, քիչ էր մնում հրաժարվեի մասնակցությունից: Բանն այն է, որ լոնդոնյան ռեստորաններից մեկում ես տեսա արքայազն Ուիլյամին և նյարդայնացա»,- ասել է դերասանուհին և հավելել, որ այնքան հուզված է եղել, որ անգամ չի նայել արքայազնի կողմը:
Դերասանուհին շատ անհանգստացած է այն կապակցությամբ, որ ֆիլմը դիտելու են Դիանայի հարազատները, նախևառաջ` նրա որդիները:
«Ինձ համար միևնույնը չէ, քանի որ ես ինքս երկու տղաների մայր եմ: Սակայն այս պատմությունը վաղ թե ուշ կփորձեին իմաստավորել, և հավանական է՝ այն կներկայացվի այլ կերպ, քանի դեռ շատերն են ակնկալում դա»,- ասել է Ուոթսը:
