Երևանի ավագանու «Բարև Երևան» խմբակցության անդամ Անահիտ Բախշայնն «Առաջին լրատվական»- ի հետ զրույցում նշեց, որ տարիներ շարունակ բարձրաձայնել է Երևանում հանրային զուգարանների տեղակայման անհրաժեշտության մասին:
«Որպես ավագանու՝ քաղաքապետի գործունեությունը վերահսկող մարմնի անդամ, անընդհատ բարձրացրել եմ այդ հարցը: Փառք Աստծո, որ քաղաքապետարանի համապատասխան աշխատակազմը նույնպես արդեն այդ հարցով մտահոգվում է,- նշեց Ա. Բախշյանը: – 2015-ին քաղաքապետարանից պատասխանել են, որ նախատեսվում է հանրային զուգարաների տեղակայման աշխատանքներ իրականացնել: 2016-ին պատասխանել են, որ դրսից են բերվելու զուգարաններ: 2017-ին պատասխանել են, որ 6 հանրային բիոզուգարաններ են բերվելու Երևան, և գործըթացը շարունակական է լինելու»:
«Ուզում են տուրիզմը զարգացնել… Եթե անգամ կան հանրային զուգարաններ ահավոր վիճակում են, արտասահմանցի զբոսաշրջիկը մի անգամ, որ մտնի այդ զուգարան, Հայաստանի անունը կջնջի իր գլխից, քարե դարի վիճակ է: Ամբողջ Հայաստանի մասշտաբով պետք է մտահոգվեն: Թող վճարովի լինեն, բայց նորմալ վիճակում»,- նշեց Երևանի ավագանու անդամը:
Մանրամասները՝ տեսանյութում:
