«Ցանկացած ՔԿՀ-ում դիտորդական առաքելություն իրականացնելու համար պետք է նախարարությունից թույլտվություն ստանալ: Մենք 2010թ. դիտորդական առաքելություն իրականացրինք, ծավալուն զեկույց հրապարակեցինք, և մեզ դրանից հետո այլևս թույլ չեն տալիս ՔԿՀ-ներում մոնիթորինգ իրականացնել: Պատճառաբանեցին, որ մեր զեկույցը վրդովմունք է առաջացրել»: «Առաջին լրատվական» -ի հետ զրույցում այս մասին ասաց «Հելսինկյան ասոցիացիա» ՀԿ նախագահ Նինա Կարապետյանցը:
Նրա հավաստմամբ՝ ՔԿՀ-ներում առկա են մի շարք խնդիրներ: Մասնավորապես «Նուբարաշեն» ՔԿՀ-ի վերաբերյալ Ն. Կարապետյանցը նշեց. «Ոչ միայն խավարասերներ, այլ այնքան տարատեսակ միջատներ կան և այն քանակով, որ երևի բաց բնության մեջ այդքան տեսակներ չեն լինի, և այդ անմարդկային պայմաններում տարիներ շարունակ պահվում են կալանավորներ, նրանցից ոմանք էլ անմեղ մարդիկ են: Շենքը շատ հին է, պատերը թաց են, փտում-թափվում են, գարշահոտություն է փչում… Այսպիսի շենքից ներս մտնելն անգամ խոշտանգում է»:
Նինա Կարապետյանցը հավելեց, որ նաև դեղամիջոցների խնդիր կա. «Հասարակ ցավազրկող հաբերի խնդիր կա: Եթե մարդիկ պահվում են որոշակի վայրում, պետությունը դրա համար պատասխանատվություն է կրում, գոնե տարրական հարցերը պետք է լուծել»: Նրա խոսքով՝ նախաձեռնողականություն չի ցուցաբերվում, քանի որ ցանկություն չկա այդ խնդիրները լուծելու, մինչդեռ դրա համար հաստատ միջոցներ տրամադրվում են:
Մանրամասները՝ տեսանյութում:
