Նոյեմբերի 8-ին ԱՄՆ-ում ընտրում են 45-րդ նախագահին։ Մինչ ընտրությունների օրը ընթացել է քարոզարշավ, որն ուղեկցվել է դեբատներով, տեղ են գտել նաև սկանդալներ։ Շոու-բիզնեսի մի շարք հայտնի աստղեր ակտիվ մասնակցություն են ցուցաբերել թեկնածուների պայքարում։
Որոշ հայտնիներ ոչ միայն հրապարակավ հայտարարել են, որ աջակցում են այս կամ այն թեկնածուին, այլ արդեն պաշտոնապես քվեարկել են ընտրություններում։ Քվերակած աստղերի մեծ մասը սոցիալական ցանցերում իրենց երկրպագուներին կոչ են արել ակտիվ մասնակցություն ցուցաբերել։
Դերասանուհի Էվա Լոնգորիան Instagram-ում գրել է, որ օգտվել է արտահերթ քվեարկելու իրավունքից, իսկ Քեթի Փերին ևս քվեարկել է արտահերթ, իսկ Ջասթին Թիմբերլեյքը մեկնել է Թենեսի՝ իր թեկնածուի օգտին ձայն տալու համար։
Հիշեցնենք, որ ԱՄՆ-ում նախագահի պաշտոնի համար պայքարն ընթանում է դեմոկրատ Հիլարի Քլինթոնի և հանրապետական Դոնալդ Թրամփի միջև։
