WikiLeaks կազմակերպությունը պարզել է, որ ԱՄՆ նախագահ Բարաք Օբաման տեղյակ է եղել այն փաստից, որ Հիլարի Քլինթոնը ծառայողական գրագրության համար օգտագործում է անձնական էլեկտրոնային փոստը։ Ավելի վաղ նախագահի աշխատակազմի ներկայացուցիչները հայտարարել էին, որ Օբաման չի իմացել այդ մասին։ Համացանցում հայտնվել է նամակ, որը հերքում է այդ խոսքերը։
WikiLeaks-ի տվյալներով՝ 2015թ․ մարտին Քլինթոնի գրասենյակի նախկին ղեկավար Շերիլ Միլսն էլեկտրոնային նամակ է գրել նրա նախընտրական քարոզարշավի ներկայացուցիչներին՝ հետևյալ բովանդակությամբ․ «Պետք է ջնջել սա։ Նա (Օբաման) նամակներ ունի նրանից, որոնք չեն ուղարկվել state.gov-ից»։
Միլսը նամակն ուղարկել է այն բանից հետո, երբ Օբաման առաջին անգամ մեկնաբանել է տեղեկատվությունն այն մասին, որ Քլինթոնն օգտվում է անձնական էլեկտրոնային փոստից գործնական նամակագրության համար և հայտարարել է, որ այդ մասին իմացել է մամուլից։
