Անդրադառնալով՝ կառավարության փոփոխություններին և ծրագրին, «Առաջին լրատվական»- ի հետ զրույցում ազատամարտիկ Ռուստամ Գալստյանը նշեց, որ ճանաչելով վարչապետին, նրա աշխատանքի ոճը և սկզբունքները, վստահ է, որ վարչապետը հաստատ կառավարությանը կստիպի աշխատել. «Նոր մարդիկ են, նոր դեմքեր, որոնք մինչև այսօր «կեղտոտված» չեն, մաքուր մարդիկ են, վարչապետը կաշխատեցնի կառավարությանը»:
ՊՆ նախարարի և Գլխավոր շտաբի պետի փոփոխությունների վերաբերյալ ազատամարտիկը նշեց, որ իր կարծիքով՝ ՊՆ նախարարի զինվորական լինելը պարտադիր չէ. «Նախարարը պետք է ներկայացնի մեր ռազմական քաղաքականությունը տարբեր երկրներում, իսկ բանակը պետք է ղեկավարի ԶՈւ-ն, Շտաբի պետը, որը լուրջ պատերազմական ուղի է անցել, տիրապետում է ոլորտին, նորմալ անձնավորություն է, նորմալ կազմակերպիչ»:
Անդրադառնալով դիտարկմանը, որ շատերի կարծիքով՝ այս փոփոխությունները ուշացած են, ապրիլյան պատերազմից հետո դրանք պետք է լինեին, Ռ. Գասպարյանն արձագանքեց, որ թեև կորուստներ ունեցանք, բայց ապրիլյան պատերազմը մեր հաղթանակն էր: «Մեր բանակը, մեր զինվորը կարողացան կասեցնել, դա հերոսություն է: Մերոնք արդեն հակահարձակման էին գնում, եթե ռուսը չկանգնեցներ… Շատ հարցերում մենք առանց ռուսի չենք կարող: Ռուսաստանից 200 միլիոնի զենք ենք ստացել, մի բան էլ ավելի, ու դեռ ստանալու ենք»,- վստահեցրեց ազատամարտիկը:
Մանրամասները՝ տեսանյութում: