Դալայ լաման աշխարհիկ բուդդայականներին կոչ է արել հետևելու «միջին ճանապարհին» և խուսափելու ծայրահեղություններից՝ չափից դուրս հարստությունից և չափից դուրս աղքատությունից, հայտնում է RIA Novօsti-ն:
«Բոլորովին պարտադիր չէ լինել կուսակրոն կամ միանձնուհի դհարման կիրառելու համար… Բուդդան աշակերտներին խնդրել է խուսափել 2 ծայրահեղություններից՝ չափից ավելի հարստությունից և չափից ավելի աղքատությունից: Պնդել է միջին ճանապարհին հետևելու անհրաժեշտությանը»,- ասել է Դալայ լաման Ռիգայում`Բալթյան երկրների և Ռուսաստանի բուդդայականների համար դասընթացների ժամանակ:
Նրա խոսքով՝ եթե բոլորը դառնան կուսակրոններ և միանձնուհիներ և չաշխատեն, ապա մարդկությունը պարզապես չի կարողանա գոյատևել:
«Բուդդայականությունում հիմնական պրակտիկան կապված է բանականության հետ: Մենք կարող ենք վարել սովորական աշխարհիկ մարդու կյանք և կիրառել ուսմունքը՝ հենվելով բանականության, մեդիտացիայի վրա»,- ավելացրել է Դալայ լաման:
