Lenta.ru-ի փոխանցմամբ՝ Երկրաբանների միջազգային խումբը հայտնել է, թե որն է գլխավոր սպառնալիքը, որ կախվել է ջուր սպառողների վրա Ինդոս-Գանգեսյան ավազանում: Հետազոտությունը հրապարակվել է Nature Geoscience պարբերականում:
Պակիստանի, Հնդկաստանի, Նեպալի ու Բանգլադեշի բնակիչներին սպառնում է ոչ թե ջրային ռեսուրսների սպառումը, այլ դրանց աղտոտվածությունը մարդու համար թունավոր թափոններով:
Ընդգծվում է, որ Ինդոս, Գանգես ու Բրահմապուտրա գետերի ավազանների տարածքներում մինչև 200 մետր խորության վրա գրունտային ջրերի մոտ 60 տոկոսը պարունակում է աղի ու մկնդեղի անոմալ բարձր քանակ: Դա հեղուկը դարձնում է խմելու կամ գյուղատնտեսական նպատակների համար ոչ պիտանի:
Արբանյակային դիտարկումները ցույց են տվել, որ վերջին տարիներին տարածաշրջանում նվազում է գրունտային ջրերի մակարդակը: Դա համարվում էր Հինդուստանում բնակվող մարդկանց համար գլխավոր սպառնալիքներից մեկը: Խոսքը 750 միլիոն մարդու մասին է, որոնք ապրում են Հնդկաստանում, Պակիստանում, Նեպալում ու Բանգլադեշում: