Գյումրու նախկին քաղաքապետ Վարդան Ղուկասյանի ապագա փեսայի՝ Կարեն Եսայանի սպանության գործով ամբաստանյալ Հարություն Սարգսյանի մայրը հուլիսի 9-ին Շիրակի մարզի ընդհանուր իրավասության դատարանում հայտարարել էր, թե Վ. Ղուկասյանի որդի Սպարտակ Ղուկասյանն է սպանել իր քրոջ փեսացուին:
Այս մասին գրում է «Ժողովուրդ» օրաթերթն ու նշում, որ ըստ մոր՝ անգամ քաղաքապետն ու որդին այդ թեմայով վիճաբանել են, քանի որ Ս. Ղուկասյանը չի ցանկացել, որ քույրն ամուսնանա Կարեն Եսայանի հետ:
«Ժողովուրդ»-ի հետ զրույցում Վ. Ղուկասյանը, մեկնաբանելով ամբաստանյալի մոր հայտարարությունը, ասել է.
«Այդտեղ ի՞նչ դիտավորության հարց կա, եթե մեկին չենք ուզում, չենք տալիս մեր աղջկան, եթե տանք՝ կտանք, ո՞վ է մեզ ստիպում: Եվ հետո, աղջիկը պետք է ուզի, հայրն էլ՝ կարծիք հայտնի: Նման է հեքիաթային դրամատիկական ներկայացման և այդ անբարո ընտանիքին այս քաղաքը ճանաչում Է: Ինքը պետք Է պատասխան տա այդ խոսքերի համար, և մենք դեռ պատիվ ենք պահանջելու»:
Հոդվածն ամբողջությամբ՝ կարդացեք «Ժողովուրդ»-ի այսօրվա համարում:
