Բրիտանիայի իշխանությունները մտադիր են երեխաներին խլել ճարպակալմամբ տառապող ծնողներից՝ հայտնում է sobkor.net-ը: Կառավարությունը կարծում է, որ ծնողները, որոնք չեն ցանկանում նիհարել, վտանգավոր են երեխաների առողջ կենսակերպի հմտությունների դաստիարակության համար:
Ենթադրվում է, որ ծնողներին, որոնք որոշակի ժամկետում չեն նիհարի, կզրկեն ծնողական իրավունքներից, իսկ երեխաներին կհանձնեն որդեգրման:
Բրիտանացի մի ընտանիք արդեն այդ պատճառով զրկվել է 4 երեխաներից: Դատարանի վճռով՝ 20 տարի ամուսնացած ծնողները այլևս երբեք չեն կարողանա տեսնել իրենց 3 աղջիկներին և տղային և իրավունք չունեն նրանց մասին որևէ տեղեկություն ստանալ:
3 տարի առաջ ընտանիքին զգուշացրել են երեխաներին կորցնելու վտանգի մասին, եթե ճարպակալման խնդիրը չլուծվի: Այդ ընթացքում մեծահասակների և երեխաների սնվելուն հետևել են սոցաշխատողները, որոնք նշել են, որ ընտանիքի սննդային նախընտրություններն անփոփոխ են մնացել, իսկ երեխաներին թույլ են տալիս առողջությանը վնասող սնունդ ուտել:
