Yandex Taxi-ն, որը թույլ է տալիս բջջային հավելվածի միջոցով առցանց տաքսի պատվիրել, Երևանում կգործի արդեն հուլիսի 1-ից։
Yandex Taxi-ն կառանձնանա շուկայում նրանով, որ կառաջարկի 100 դրամ մինիմալ վճար՝ առաջին 2 կիլոմետրի համար (+100` յուրաքանչյուր հաջորդ կիլոմետրը)։
«Դուրս մեր գրպանից» նախաձեռնությունը դեմ է Yandex Taxi-ի գործունեությանը:
«Դուրս մեր գրպանից» նախաձեռնության անդամ Արսեն Պետրոսյանը պարզաբանում է. «Այստեղ առաջնային է դառնում հացի խնդիրը. Yandex Taxi-ն գլխիվայր շուռ է տալու հասարակական տրանսպորտի և տաքսի-ծառայության գործունեությունը: Ըստ իրենց հայտարարության՝ եթե 4 հոգի նստեն Yandex Taxi և 2 կմ գնան, 200 դրամ պիտի վճարեն: Նույնիսկ տրոլեյբուսի գործին է խփելու Yandex Taxi-ն: Դա լավ կլինի հաճախորդի համար, քիչ է վճարելու, բայց խաթարվելու է ամբողջ հասարակական տրանսպորտի գործունեությունը»:
«Կյանքը թանկանում է, տաքսին էժանանում, սա անհամատեղելի է,- կարծում է Արսեն Պետրոսյանը,- նման ծառայություն մատուցող ընկերությունը պետք է տեղ չունենա մեր այսօրվա տրանսպորտի ոլորտում»:
Մանրամասները՝ տեսանյութում:
