Միգրացիոն ճգնաժամը, որի դեմ եվրոպական երկրները պայքարում են անցյալ տարվանից, կարող է դառնալ երկարաժամկետ: Այդ մասին Վիեննայում մամլո ասուլիսի ժամանակ հայտարարել է ԵԱՀԿ գլխավոր քարտուղար Լամբերտո Զաները` ներկայացնելով միգրացիոն երթուղիներում մարդկանց թրաֆիքինգի դեմ պայքարի ԵԱՀԿ կողմից մշակված ծրագիրը, հայտնում է TASS-ը:
Նրա խոսքերով` «գագաթնակետը կարող է արագ անցնել, սակայն ճգնաժամն ինքը երկարաժամկետ է, և մենք պետք է դրանով լրջորեն զբաղվենք»: Ընդ որում՝ կազմակերպությունում նշում են, որ «բալկանյան երթուղին» փակելուց հետո փախստականների հոսքի կրճատման հետ մեկտեղ մարդկաց անօրինական տեղափոխումների շուկան ընդհակառակը` աճել է:
Ինչպես նշել է մարդկանց թրաֆիքինգի դեմ պայքարի գծով ԵԱՀԿ հատուկ ներկայացուցիչ Մադինա Յարբուսինովան, Եվրոպայում իրադրությունը «փախստականների համար լրացուցիչ ռիսկեր է ստեղծում, որոնք կարող են դառնալ մարդկանց թրաֆիքինգով զբաղվողների զոհ»:
