Ֆրանսիական Le Figaro թերթի փոխանցմամբ՝ Թուրքիայի նախագահ Ռեջեփ Էրդողանը կարող է օգտագործել Բունդեսթագի կողմից Հայոց ցեղասպանության ճանաչման փաստը՝ ԵՄ հետ հարաբերությունները խզելու համար:
Թերթն ընդգծում է, որ Էրդողանն արդեն մի քանի ամիս է, ինչ օգտագործում է բոլոր հնարավորությունները, որպեսզի խստացնի Բեռլինի հետ հարաբերությունների տոնը:
Թերթը հիշեցնում է, որ Էրդողանը ձգտում է անհապաղ հասնել թուրքերի համար ոչ վիզային ռեժիմի վերացմանը, ինչի համար Եվրոպան Անկարայից պահանջում է մի շարք պայմանների կատարում: Սակայն Թուրքիան կտրականապես հրաժարվում է պակաս կոշտ դարձնել իր հակաահաբեկչական օրենսդրությունը:
Թերթի կարծիքով՝ եթե Էրդողանն այժմ որդեգրի ԵՄ հետ հարաբերությունները խզելու կուրս, ապա նա կարող է դրա համար օգտագործել Բունդեսթագի կողմից Հայոց ցեղասպանության ճանաչման փաստը: Թերթն ընդգծում է, որ Գերմանիայի կողմից Հայոց ցեղասպանության ճանաչումը հանգեցրել է դիվանագիտական լրջագույն ճգնաժամի: