Լատվիայում ձևավորվել է իշխանության նոր մարմին՝ «Չներկայացվածների խորհրդարան»: Այս կառույցը կներկայացնի միայն բնակչության մի հատվածի շահերը, մասնավորապես՝ նրանց, ովքեր Խորհրդային Միության փլուզումից ի վեր չեն ստացել քաղաքացիական և քաղաքական իրավունքներ: Նրանք հիմնականում հանրապետության ռուսալեզու բնակիչներն են, ասսպես կոչված՝ «ոչ քաղաքացիները»:
«Ոչ քաղաքացիները» իրավունք չունեն մասնակցելու քաղաքային, խորհրդարանական և Եվրախորհրդարանի ընտրություններին: Նրանք չեն կարող նաև զբաղեցնել պետական պաշտոններ, ծառայել բանակում կամ ոստիկանությունում, աշխատել ՔԱԿԳ-ներում և ընտրական հանձնաժողովներում, լինել դատավորներ, նոտարներ և նույնիսկ կաթոլիկ եկեղեցու եպիսկոպոսներ:
«Չներկայացվածների խորհրդարան»-ի ընտրությունները տեղի են ունեցել Լատվիայում՝ հունիսի 1-11-ը, բոլոր խոշոր քաղաքներում:
Նոր կառույցում նախատեսված 30 տեղի համար հավակնում էին 60 հոգի: Ընտրվել են հայտնի իրավապաշտպաններ և հասարակական գործիչներ: Առաջիկայում նրանք կստանան մանդատ:
