Փարիզի ամենահեղինակավոր ԲՈՒՀ-երից մեկում՝ Քաղաքական հետազոտությունների ինստիտուտում, որոշել են ապրիլի 20-ին անցկացնել Հիջաբի օր, երբ բոլոր ուսանողուհիները՝ որպես հարվածի տակ ընկած մուսուլմանուհիների հետ համերաշխության նշան, կոչ են արել Ղուրանի համաձայն գլուխները ծածկել հիջաբով, հայտնում է mignews.com-ը:
«Մենք համարում ենք, որ բոլոր կանայք իրավունք ունեն հագնվելու այնպես, ինչպես ուզում են, և նրանք արժանի են, որ իրենց ընտրությունը հարգեն»,- հայտարարել են միջոցառման կազմակերպիչները: Նրանք քննադատել են Ֆրանսիայի վարչապետ Մանուել Վալսին, ով ավելի վաղ հայտարարել էր, որ հիջաբը կանանց ստրկացնելու քաղաքական խորհրդանիշ է:
Ուսանողների նախաձեռնությունը ֆրանսիական աջերի դուրը չի եկել, ովքեր հայտարարել են, որ ողջ աշխարհում կանայք պայքարում են, որպեսզի ազատվեն այդ շղթաներից:
Հրեական ծագմամբ ֆրանսիացի փիլիսոփա և գրող
Բերնար-Անրի Լևին Facebook-ում գրել է. «Պոյի համալսարանում հիջաբի օր: Ե՞րբ կլինի շարիաթի օր: Իսկ քարկոծելո՞ւ: Իսկ ստրկությա՞ն»:
Ուսումնական հաստատության վարչակազմն իր հերթին հեռու է մնացել միջոցառումից:
