Մեքսիկական «Խալիսկո-Նոր սերունդ» թմրակարտելը իր շարքերում նոր անդամների ներգրավելու ինքնատիպ միջոց է գտել. դրա համար հանցագործներն օգտագործել են հատուկ ստեղծված կեղծ ընկերություն, որն իբր զբաղվում է անվտանգության ծառայությունների մատուցմամբ: Այս մասին գրում է RIA Novosti-ն:
Խալիսկո նահանգի դատախազ Ալմագեր Ռամիրեսի խոսքերով՝ Segmex ընկերությունը մեկ ամիս գործել է Տլակեպակե և Պուերտո-Վալյարտա քաղաքներում: Դրա միջոցով կարտելը տարածել է թռուցիկներ և աշխատանքի ընդունման պայմանները՝ իբր թե որպես մասնավոր անվտանգության գործակալներ կամ թիկնապահներ: Ընդ որում՝ ոստիկանության նախկին աշխատակիցների համար ֆինանսական պայմաններն ավելի լավն են եղել, քան մյուսների:
Պայմանագրի ստորագրումից հետո հավաքագրվածներին 10 օրվա ընթացքում սովորեցրել են հրազեն օգտագործել:
Ընկերությունը հաջողվել է գտնել պոտենցիալ հանցագործներից մեկի՝ կարտելի կողմից առևանգվելուց և նրա հարազատներից 1 մլն պեսո (55 հազար դոլար) պահանջելուց հետո, երբ վերջինս հրաժարվել էր աշխատել հանցախմբի հետ:
