Ընդհանրապես հաճոյախոսությունները երջանկացնում են մարդկանց, սակայն նոր ուսումնասիրությունը պարզել է, որ ամոթխած կանայք, հաճոյախոսություններ լսելիս, անհարմար են զգում և ավելի են ամաչում: Փորձագետներին հարցումների միջոցով հաջողվել է պարզել, որ որոշ կանայք դժվարությամբ են խոսում իրենց մարմնի գրավչության մասին:
Փորձերին հինգ կանայք են մասնակցել: Նրանց բոլորին առաջարկել են փաթաթվել սավաններով և բացել միայն մարմնի այն մասը, որն առավել գրավիչ են համարում: Նրանց լուսանկարել են, որպեսզի գնահատեն գեղեցկությունը: Ուսումնասիրության նպատակը կանանց՝ իրենց գեղեցկությունը բացահայտելու հարցում օգնելն է:
Երբ կանանց խնդրել են անվանել իրենց մարմնի սիրած մասերը, ապա պատասխանները շատ բազմազան են եղել: Կանայք գեղեցիկ են համարել մարմնի այնպիսի մասեր, ինչպիսիք են սրունքները, մատները, ուսերը, դաստակները և նույնիսկ՝ կրծքավանդակը: Ցավոք, հարցվածների 7 %-ը չի կարողացել անվանել իր մարմնի և ոչ մի գրավիչ մաս: Կանանց միայն մեկ տոկոսն է իրեն անկեղծորեն գեղեցիկ համարում:
Նրանց համար ավելի հեշտ է եղել գտնել ուրիշ կանանց մարմինների գեղեցիկ մասերը: Կանանց 52 %-ը պարբերաբար ընկերուհիներին ասում է, որ նրանք գեղեցիկ են, իսկ 66 %-ը կարծում է, որ դա բարձրացնում է ընկերուհու տրամադրությունը:
