Թուրքիայի Ստամբուլ քաղաքում ոստիկանությունն արցունքաբեր գազ, ջրցաններ է կիրառել ցուցարարներին ցրելու համար, որոնք հավաքվել են տոնելու մայիսի 1-ը՝ հաղորդում է ITAR-TASS-ը:
Ոստիկանների և ցուցարարների միջև բախումները տեղի են ունեցել Բեշիքթաշում, որտեղ հավաքվել են Թուրքիայի Կոմունիստական, Աշխատավորների կուսակցությունների ներկայացուցիչներ և հասարակական-քաղաքական շարժման ակտիվիստներ:
Ցուցարարները ցանկացել են շարժվել դեպի կենտրոնական Թաքսիմ հրապարակ, սակայն իշխանություններն արգելել են ցանկացած զանգվածային միջոցառում՝ այդ շրջանում ընթացող տրանսպորտային ճանապարհի շինարարության պատճառով, և առաջարկել են ցույցն անցկացնել այլ վայրում:
Ցուցարարները սկսել են քարեր, դյուրավառ հեղուկով լի շշեր նետել ոստիկանների վրա: Ի պատասխան՝ իրավապահ մարմինները կիրառել են արցունքաբեր գազ, ջրցաններ: Բախումների հետևանքով տուժել են մի քանի լրագրողներ:
Վիրավորներ կան նաև ցուցարարների շրջանում:
