Լոնդոնի «Չելսի»-ի և Մադրիդի «Ռեալ»-ի նախկին պաշտպան Ռիկարդո Կարվալյոն, ով ներկայումս հանդես է գալիս «Մոնակո»-ում, հայտարարել է, որ լոնդոնցիները չպետք է հրաժարվեն թիմի գլխավոր մարզիչ Ժոզե Մոուրինյոյի ծառայություններից:
Կարվալյոն նշել է, որ Մոուրինյոն հենց այն մասնագետն է, ով կարող է դուրս բերել «Չելսի»-ն ճգնաժամից:
«Մոուրինյոն չի կարող հաշտվել պարտության հետ: Այդ պատճառով այս պահին նա լավ չի զգում: Այնուամենայնիվ, կարծում եմ, որ նա հենց այն մասնագետն է, որ կարոց է փոխել իրավիճակն ու դուրս բերել «Չելսի»-ն ճգնաժամից:
«Չելսի»-ն կարող է առաջ գնալ Չեմպիոնների լիգայի գավաթի խաղարկությունում, եթե 1/8 եզրափակչի ուղեգիր նվաճի: Պրեմիեր լիգայում լոնդոնցիների խաղը չի ստացվում, բայց միջազգային ասպարեզում նրանք կարող են հաղթել ցանկացած թիմի»,- Cadena Ser-ը մեջբերում է Կարվալյոյի խոսքերը:
