Վերջին ահաբեկչությունների շարքը ցույց տվեց, որ չկա տեղ, որտեղ չհասնեն ԴԱԻՇ-ի գրոհայինները, և ոչ մի երկիր չի կարող լիովին անվտանգ լինել՝ մինչև համաշխարհային հանրությունն արմատախիլ չանի այդ չարիքը: Այս մասին գրում է The New York Times-ը:
«Ուրբաթ Փարիզում ահաբեկչական հարձակումները, մեկ օր առաջ Բեյրութում երկու պայթյունները և հոկտեմբերի 31-ին Սինայի թերակղզում ռուսական ինքնաթիռի կործանումը ցույց են տալիս Արևմուտքի դեմ ԴԱԻՇ-ի պատերազմի նոր փուլի մասին, ինչպես նաև նրանց պատրաստակամությունը՝ հարվածելու Իրաքում, Սիրիայում և գնալով ավելի հաճախ Լիբիայում իրենց վերահսկողության տակ գտնվող շրջանների սահմաններից շատ հեռու»,- ասվում է հոդվածում:
Երկրների, որոնց սպառնում են ԴԱԻՇ-ի գրոհայինները, առջև ծառացած մարտահրավերը հսկայական է, քանի որ նման հարձակումները դժվար է կանխատեսել կամ կանխել՝ գրում է պարբերականը:
«Եվրոպայում փախստականների և մուսուլմանների հետ կապված իրավիճակում կրակի վրա յուղ լցնելը, անկասկած, ԴԱԻՇ-ի հարձակման գլխավոր նպատակն էր»,- նշվում է հոդվածում:
Ակնհայտ է, որ ԴԱԻՇ-ի հետագա հարձակումները կանխելու համար կպահանջվի Սիրիայում քաղաքացիական պատերազմի դադարեցում, որի շնորհիվ ահաբեկչական կազմակերպությունը կարողացավ ստանալ իշխանություն, տարածք և փող՝ գրում է պարբերականը:
