Սիրիայում մոտ 13.5 մլն մարդ պաշտպանության և մարդասիրական օգնության կարիք ունի։ Այս մասին Ժնևում ճեպազրույցի ժամանակ հայտնել է Մարդասիրական հարցերով ՄԱԿ-ի վարչության պաշտոնական ներկայացուցիչ Յենս Լարկեն՝ փոխանցում է TASS գործակալությունը։
«Պաշտպանության և օգնության հարցում կարիքավորներն ավելի քան 6 մլն երեխաներ են»,- նշել է նա՝ ընդգծելով, որ 10 ամիս առաջ այդ թիվը եղել է 1.2 մլն։
Սիրիայում հաշվվում է մոտ 6.5 մլն ներքին տեղահանված։ Ավելի քան 4.2 մլն սիրիացիներ լքել են իրենց երկիրը՝ դառնալով փախստական։
«Ավելի քան 11 մլն մարդ Սիրիայում առողջապահության ոլորտում օգնության կարիք ունի, և մոտ 8 միլիոնը հնարավորություն չունի բավարարել սնուցման հիմնական պահանջմունքները»,- ասել է Լարկեն։
«Հասանելիությունը կարիքավոր մարդկանց մնում է չափազանց սահմանափակ,- նշել է նա,- 4.5 մլն մարդ գտնվում է շրջաններում, որոնց հասնելը դժվար է»։
Վարչության տվյալներով՝ 393 700 սիրիացիներ ապրում են պաշարված բնակավայրերում։ Այս տարի նրանցից միայն 0.5 տոկոսն է ՄԱԿ-ի պարենային օգնություն ստացել, և 3.6 տոկոսը՝ օգնություն առողջապահության ոլորտում։
