Եգիպտոսը նոյեմբերի 1-ից կգործարկի երկրի առողջավայրեր և պատմական տեսարժան վայրեր զբոսաշրջիկներին ներգրավելու լայնածավալ PR արշավ։ Այս մասին RIA Novosti-ին հայտնել է զբոսաշրջության հարցերով նախարար Հիշամ Զաազուան։
Արշավի գործարկման պատճառ է դարձել վերջին մի քանի ամիսների զբոսաշրջային շուկայի աճի նվազումը։ Նախարարը նշել է, որ զբոսաշրջիկների ներգրավման հրատապ միջոցառումների հարցը բարձրացրել է երկրի նախագահը։
Նախարարը հայտնել է 3-6 ամիս, առավելագույնը 1 տարի ժամկետով արտակարգ ծրագրի ընդունման մասին։ Նշվում է, որ անապատի որոշ շրջաններ կարող են բացվել զբոսաշրջիկների համար, որոնք փակվել էին Լիբիայի հետ սահմանին մոտ գտնվելու պատճառով։
