«Այս սահմանադրությամբ փորձ է արվում մարդու մեջ մարդկայինը ոնչացնել, սա զուտ հայկական ծրագիր չէ, սա համաշխարհային ծրագիր է, փաստացի մեծագույն հանցագործություն է տեղի ունենում»,- «Առաջին լրատվական»-ի հետ զրույցում, անդրադառնալով սահմանադրական փոփոխություններին, այս կարծիքն արտահայտեց «Քրիստոնեաժողովրդական վերածնունդ» կուսակցության նախագահ Սոս Գիմիշյանը և հավելեց. «Առաջին հերթին դա վերաբերում է մեր եկեղեցուն, մեր ընտանիքին, երեխային, իսկ սեփականւթյան ինստիտուտն ու արտաքին կառավարումը, դրանք առանձին խնդիրներ են»:
«Փաստացի երկիրը հանձնվում է արտաքին կառավարման,- նշեց Ս. Գիմիշյանը,- և երկրի ամբողջ ունեցվածքը, նաև քաղաքացին, հանձնվում է օտարին՝ ինչպես ուզի, մեզ ձևավորի: Վտանգավոր է այսօր, այս իրավիճակում հանրաքվե անցկացնել: Սա դրսից է թելադրվում և ֆինանսավորվում, և պարտադրվում է Վենետիկի հանձնաժողովի կողմից, այդ պատճառով առաջարկ ներկայացնելն անիմաստ է, քանի որ մեր պաշտոնյաները չեն կարող փոխել»: