72-ամյա իսրայելցին կես դարից ավելի է՝ չի տեսել երկվորյակ եղբորը: Նրանց բախտ էր վիճակվել ողջ մնալ Օսվենցիմում: Եղբորը գտնելու միակ հույսը համակենտրոնացման ճամբարի համարով դաջվածքով (А-7734) նրան ճանաչելն է: Այս մասին հայտնում է LifeNews-ը:
Թոշակառու եղբորից բաժանվել է 68 տարի առաջ՝ մահվան նացիստական ճամբարից ազատվելուց հետո: Դրանից հետո նա ոչ մի լուր չի ունեցել նրա մասին:
Նրանք Լեհաստանի համակենտրոնացման ճամբարում էին հայտնվել 1944 թվականի մայիսին: Հրեական ընտանիքը ֆաշիստների ձեռքն էր ընկել Հունգարիայում: 4 տարեկան Էլիաս և Ջենո Գոտեսմաններին (ծննդյան անուններն են) հեռացրել էին ծնողներից: Երկվորյակներին ուղարկել են բժշկական փորձաքննությունների, որոնք նացիստներն անցկացրել են Օսվենցիմի լաբորատորիաներում:
Ազատության մեջ հայտնվելով՝ Մենակեմ Բոդները իր համար նոր ընտանիք է գտել, որին տղան անձամբ է խնդրել վերցնել իրեն:
Եղբորը գտնելու մեծ հույսեր նա առանձնապես չունի, հույս ունի տեսնել գոնե նրա թոռներին:
