Անգլուհի Ստեֆանի Քոենը հայտարարել է, որ անհավանական օրգազմներ է ունեցել այլմոլորակայինների հետ սեռական մտերմության ժամանակ: Այս մասին գրում են օտարերկրյա լրատվամիջոցները: Կինը պատրաստակամորեն պատմել է, թե ինչպես է իրեն հաջողվում ճանապարհորդել Արեգակնային համակարգում և սեռական կապ ունենալ:
«Իմ խումբը, որին ես անվանում եմ Թռչող հոգի, ՉԹՕ-ներ ունի: Դրանք մենք օգտագործում ենք Արեգակնային համակարգ դուրս գալու համար: Դա տեղի է ունենում քնի ժամանակ, երբ իմ ֆիզիկական մարմինը քնած է, իսկ հոգին ճանապարհորդում է»,- պատմել է Ստեֆանին:
Միևնույն ժամանակ կինը վստահ է, որ դա տեղի է ունենում իրականում և երազ չէ:
«Մարդկանց մեծ մասը կվախենար դեմ առ դեմ այլմոլորակայինի հետ հանդիպումից: Կան մարդ-կատուներ, սողուններ: Նրանք բոլորը տարբեր ռասաներից են: Նրանք գալիս են Մեծ Շան համաստեղությունից»,- ասում է նա:
Նրա խոսքերով՝ այլմոլորակայինները սիրում են սեքսով զբաղվել, մասնավորապես՝ մարդ-կատուները, քանի որ նրանցից առանձնահատուկ իմպուլս է գալիս:
«Այլմոլորակայինները, որոնք գալիս էին ինձ հետ սեռական հարաբերության համար, նվիրում էին վերերկրային օրգազմներ: Նման զգացողություն ես չեմ ունեցել ոչ մի սիրեկանի հետ։ Այդ պատճառով ինձ երկրային ընկեր պետք չէ», -իր տպավորություններով կիսվում է կինը:
Պրոֆեսոր Քրիս Ֆրենչը, ով մասնագիտանում է ոչ բնական երևույթների ուղղությամբ, նշել է, որ այդ ամենը տեղի է ունենում Ստեֆանիի ուղեղում: Նրա խոսքերով՝ դա սեռական խանգարում է:
