Բերքլիում (Կալիֆոռնիա) Լոուրենսի անվան ազգային միջուկային լաբորատորիայի գիտնականները առաջին անգամ կարողացել են փորձնական ճանապարհով վերարտադրել «ատոմային կոլապս» և հետևել դրան, որի մասին իր աշխատություններում գրել է քվանտային մեխանիկայի համահիմնադիր Պոլ Դիրակը: Այս մասին գրում է Science ամսագիրը:
Մասնագետների խոսքով՝ «ատոմային կոլապսը» գրաֆենային հետազոտությունների ամենանվիրական նպատակներից մեկն է:
Նշվում է, որ այդ աշխատանքը չափազանց ակտուալ է ապագա նանոսարքերի համար՝ շատ փոքր շրջաններում էլեկտրական լիցքի կենտրոնացմամբ: Այն կարող է կարևոր դեր ունենալ գրաֆենի հիմքի վրա ապագա էլեկտրոնային սարքերի համար:
Խոսքը այն երևույթի մասին է, որի դեպքում գերծանր ատոմային միջուկի ազդեցության ներքո էլեկտրոնը դուրս է գալիս իր ուղեծրից և ձգվում դեպի միջուկը, այնուհետև վերադառնում՝ արձակելով պոզիտրոն:
Նախկինում չի հաջողվել նման փորձ կատարել՝ «գերխոշոր միջուկների» ստեղծման և պահպանման բարդության պատճառով: Այժմ նման միջուկները արհեստականորեն ստեղծվել են գրաֆենի մակերևույթին: Գրաֆենը յուրօրինակ նանոնյութ է, որի հայտնագործման համար ծագումով ռուս երկու գիտնականներ՝ Անդրեյ Գեյմն ու Կոնստանտին Նովոսելովը, 2010-ին արժանացել են ֆիզիկայի ոլորտում Նոբելյան մրցանակի:
