Amazon առցանց ռիթեյլերն առաջ է անցել ԱՄՆ խոշորագույն ռիթեյլերներից մեկից՝ Walmart առևտրի ցանցից՝ դառնալով ամենաթանկ ռիթեյլերը (մանրածախ վաճառք իրականացնող)։ Այս մասին հայտնում է News York Post-ը։
Հուլիսի 23-ին Amazon-ի բաժնետոմսերի արժեքը բարձրացել է մոտ 20 տոկոսով՝ եռամսյակային վիճակագրության ֆոնին։ Ընկերության կապիտալիզացիան աճել է 40 մլրդ դոլարով՝ հասնելով 265 մլրդ դոլարի։
Կապիտալիզացիայով Amazon-ն առաջ է անցել Walmart-ից ($234 մլրդ), JPMorgan-ից ($258 մլրդ) և հավասարվել General Electric-ին։
Եռամսյակային արդյունքներով ընկերությունը հայտարարել է տարեկան արտահայտմամբ շահույթի 92 մլն դոլարով աճի մասին։ Աճը կազմել է 20 տոկոս՝ հասնելով 23.2 մլրդ դոլարի։
Ավելի վաղ հաղորդվել էր, որ Amazon-ը մտադիր է փոքր բիզնեսի վարկավորում իրականացնել 8 երկրներում։
