Նրանց համար, ովքեր սիրում են գեղանկարչություն և նորաձևություն, հոլանդացի դիզայներները ստեղծել են հետաքրքիր հավաքածու, հայտնում է kulturologia.ru-ն:
Զգեստները վերափոխված են արվեստի գործերի, ապա կրկին զգեստների և նորից՝ գեղանկարչության գլուխգործոցի: Պոեզիան դառնում է իրականություն՝ լուծվելով երևակայության մեջ:
Այսպիսի նկարագրությամբ է ուղեկցվում հոլանդացի դիզայներների Viktor & Rolf նոր հավաքածուի ցուցադրությունը Փարիզում:
Սկզբում կտավները կախված էին բեմահարթակի պատերին, ապա Վիկտորն ու Ռոլֆը հանդիսատեսի աչքի առաջ անձամբ դրանք իջեցնում էին պատից և հագցնում նրբակազմ աղջիկներին:
Նորաձև մետամորֆոզների համար Վիկտորը և Ռոլֆը ընտրել են հոլանդական գեղանկարչության Ոսկե դարին պատկանող կտավներ Ռեմբրանդտի, Վերմերի և Յան վան Էյկի գործերից:
