Ամերիկյան Ինդիանա նահանգի դպրոցներում աշակերտների շրջանում վաստակելու յուրատեսակ միջոց է նկատվել՝ աղի վաճառք դպրոցական ճաշերի ժամանակ: Այս մասին հայտնում է Kedem-ը:
Բանն այն է, որ 2010 թ. ԱՄՆ Կոնգրեսը օրենք է ընդունել դպրոցական սննդի մեջ աղի, շաքարի և պղպեղի նորմատիվների մասին, և այս տարվա սկզբին բոլոր դպրոցներն անցել են նոր բաղադրատոմսերի: Նշվում է, որ համեմունքների քանակն այնքան է կրճատվել, որ շատ դպրոցականներ տանել չեն կարողանում դպրոցական սննդի համը:
Եթե երեխաները գլուխ են հանում շաքարի և պղպեղի պակասից, ապա աղի պակասն առանձնապես սուր է զգացվում: Պահանջարկին ի պատասխան՝ արագորեն աղի սև շուկա է ձևավորվել. նախաձեռնող աշակերտները ճաշի ժամանակ աղ են վաճառում:
Բլեքֆորթում դպրոցի տնօրեն Էննի Բադուն պարզել է, որ ճաշի աղի համար երեխաները մեկ դոլար են վճարում: Երբ աղի մաքսանենգության մասին տեղեկությունը հասել է Ինդիանայի դպրոցների ասոցիացիային, որոշում է ընդունվել աղի առկա խիստ նորմատիվները փոխելու վերաբերյալ խնդրագիր կազմել:
